Politique

Krizy politika Governemanta iraisan’ny rehetra no tena vahaolana

Politique
Alatsinainy 30 Aprily 2018

Nambaran’ny filoha nasionalin’ny fikambanana HAFARI Malagasy Rafanomezantsoa Jean Nirina fa ny fananganana governemanta iraisan’ny rehetra ihany no tena vahaolana, aorian’ny fandrodanana ny governemanta misy amin’izao fotoana.

Toraka izany koa ny fanoloana ireo tompon’andraikitra rehetra eto amin’ny firenena manomboka eny anivon’ny fokontany ka hatreny amin’ny andrim-panjakana, indrindra ireo mpikarakara ny fifidianana mba hisian’ny fifidianana madio sy mangarahara takian’ny rehetra. Tsy vahaolana intsony ny fitondrana tetezamita, hoy izy satria anisan’ny tena nampahory vahoaka teto amintsika izy io sy ny fanonganam-panjakana. Miantso ny tsy hihemorana fa tokony hirosoan’ny rehetra hatrany amin’ny lalana mankany amin’ny fifidianana ny filoha nasionalin’ny fikambanana HAFARI Malagasy. Mikasika ny tolom-bahoaka etsy amin’ny kianjan’ny 13 mey dia tsy manohitra ny tenany saingy tsy ekeny kosa hevi-dison’ireo solombavambahoaka 73 mianadahy ny amin’ny hanalana amin’ny toerany ny filoha. Tsy miandany velively na amin’iza na amin’iza ny tenako raha milaza an’izany saingy mijery manokana ny tombontsoam-bahoaka kosa amin’ny maha mpikarakara ny sosialim-bahoaka anay, hoy izy.

Pati