Politique

Kongresy Tsimbazaza Hitohy ny vaky lapelina anio

Politique
Alakamisy 10 Novambra 2011

Raha nampahafantarin’ireo teknisianina avy amin’ny ministeran’ny vola sy tetibola an’ireo mpikambana ao amin’ny Kongresin’ny tetezamita afak’omaly, tao anatin’ny fivoriana natrehan’izy ireo teny Tsimbazaza, ny mikasika ny lalàna fehizoro 007-2004, lalàna fototra iaingana amin’ny fandinihana ny tetibolam-panjakana hampiasaina amin’ny taona ho avy, dia ny mikasika ny «cadrage économique» an’ny «trésor» indray kosa anio no hohazavaina amin-dry zareo eny an-toerana. Tafiditra ao anatin’ny dingana hoenti-mandinika ny tetibolam-panjakana avokoa ireo, araka ny fanazavana nomen’ny Dr Andriambololona Barison Claude, filohan’ny vaomieran’ny tetibola sy fitantanam-bola eny anivon’ny Kongresin’ny tetezamita. Ny tombony azo dia fahazoana mari-drefy mitovy ho an’ireo CT amin’ny fandinihana ny tetibola hahasoa ny vahoaka, ka tsy hisy hisalasala intsony rehefa tena tonga ny fotoana handinihana ny volavolana tetibola ho avy hiarahana amin’ireo namana vaovao vao hotendrena. Fanapahan-kevitra avy amin’ny birao maharitry ny Kongresin’ny tetezamita avy amin’ny tolo-kevitry ny filohan’ny vaomieran’ny vola sy tetibola no nanatanterahana ity fanomezam-baovao sy fiofanana ireo CT tsy an-kanavaka ity. Tsetsatsetra tsy aritra kosa no ilazana fa velona ny vaky lapelina na ny famenoana taratasy fanamarinam-pahatongavana tao amin’ity Lapa ity afak’omaly ahitana marina izay tsy tonga. Dia inona no miandry ireo tsy tao anaty lisitra ?

Manohy