Kolekitifa an’ny Malagasy –

Avaradrano Hikatsaka ny mahasoa ny vahoaka Malagasy

Politique
Alarobia 15 Mey 2024

Kaominina Ambohitrabiby, Talata Volonondry ary Ambohimalaza no notsidihin’ny kandida laharana

faharoa eto amin’ny Distrikan’Avaradrano, tarihin’ny Kandida Hajo Andrianainarivelo sy Ratavilahy Andry.Tsy maintsy atao manaraka ny filàn’ny vahoaka sy ny tena laharam-pahamehana ny fandaniana ny volam-panjakana hisian’ny akony mivantana eny ifotony hoy ny Kandida avy amin’ny Kolekitifa an’ny Malagasy ao amin’ny Distrikan’Avaradrano. Ny fampianarana, ny fahasalamana, ny fanosehana ny sehatry ny famokarana ho fanatsarana ny farim-piainan’ny tantsaha, isan’ny vaindohan-draharahan’ny Kandida Solombavambahoaka Hajo Andrianainarivelo sy Ratavilahy Andry ao Avaradrano. Atao laharam-pahamehana ny fampianarana ny zanaka malagasy, ny fahasalamam-bahoaka satria ao anatin’ny saina matsilo, ny fananan’ny vahoaka vatana tomady no afaka hiasana hisian’ny fampandrosoana. Vonona hiady ho an’izany ny kandida an’ny kolekitifa an’ny Malagasy Avaradrano. Tsy ho mpananga-tanana fotsiny tahaka ny nahazatra rehefa tonga eny amin’ny Antenimierampirenena fa hiaro ny tombontsoan’ny maro an’isa, ary hanaraka akaiky ihany koa ny fampiasana ny volam-bahoaka.
Nangonin'i RTT