KARNEM-POKONTANY SY KARATRA TGV

Lasa hataon’ny sefom-pokontany fitadiavam-bola ?

Politique
Zoma 22 Desambra 2023

Lasa hataon’ny sefom-pokontany fitadiavam-bola amin’izao ilay karnem-pokontany

vaovao miloko vonimboasary haparitaky ny Fitondram-panjakana ankehitriny. Izay tokantrano tsy manana iny karnem-pokontany iny sy ilay karatra TGV miloko vonimboasary koa hono mantsy dia misy misitraka izay fanampiana omen’ny fanjakana eo izay efa nosantarina tamin’ny fizarana jiro. Niteraka korontana mihitsy izany omaly Alakamisy 21 Desambra tao amin’ny Fokontany Antohomadinika, Antsalovana FAAMI. Tsy nomen’ny sefom-pokontany mantsy hoy ny fitarainan’ireo mponina ilay karne hahafahany milahatra jiro, fanomezana avy amin’ny mpitondra. Tsy maintsy mandoa vola hatrany amin’ny 10. 000 Ar ihany koa hoy hatrany ireo mponina vao mahazo ilay karatra volomboasary, izay efa nomena ho tsinjarain’ny fokontany ho an'ireo tokony hisitraka izany. Nopotehin’ny mponina hatramin’ny varavaram-pokontany mihitsy noho izany. Voatery nantsoina ny polisy nandamina ny raharaha. Ilay sefom-pokontany koa teo an-daniny natahotra ny ainy. Vahoaka romotry ny fahasahiranana tanteraka no tazana teny an-toerana. Na izany aza nilamina ihany ny raharaha. Nangonin’i Pati
Legende : Nivazavaza tahaka izao ny mponina !