KAOMININA IVATO

Amboarina ny lalana, havaozina ny tranom-pokonolona

Politique
Alatsinainy 04 Martsa 2024

Mitohy ny asa fanamboarana ireo karazana foto-drafitrasa mifanaraka

amin’ny filan’ny mponina ao anatin’ny kaominina Ivato, distrikan’Ambohidratrimo. Taorian’ny nanavaozana tanteraka ny tranom-pokonolona ao Ilaivola izay efa mandeha tanteraka ny asa amin’izao fotoana izao dia fantatra fa hasiam-panamboarana ihany koa ireo lalan-dratsy eny ifotony izay hifamezivezen’ny mponina an-jatony isan’andro. Nambaran’ny Ben’ny tanana Penjy Randrianarisoa fa tsy hisy ho diso anjara ny mponina manana olana amin’izany saingy tsy vita indray mandeha kosa ny asa. Nambarany fa tsy maintsy hamboarina avokoa ireny karazana foto-drafitrasa ireny saingy tsy maintsy alamina dia asesy, araka ny fitenin’ny tanora efa mahazatra. Afaka tezitra izay tsy tia fandrosoana hoy hatrany ity Ben’ny tanana ity fa ny asa tsy maintsy mitohy. Efa nahazo ny anjarany tamin’ny fahavitan’ireo lalankely any an’elakelantrano moa ireo mponina ao Ankadindravola raha araka ny fantatra hatrany.
Pati
Legende : Ity ilay lalana hitalahoan’ny mponina ao Ivato asa fanamboarana amin’ny Ben’ny tanana Penjy Randrianarisoa !