Politique

Kaominina eto Madagasikara Hotantanana PDS avokoa ?

Politique
Sabotsy 13 Jolay 2019

Hatramin’izao dia tsy nivoaka ny didim-panjakana hiantsoan`ny governemanta ireo mpifidy handatsa-bato, izay araka ny lalàna 90 andro mialoha ny andro fandatsaham-bato.

Ny 22 septambra ho avy izao no fepotoana farany hiasan’ireo ben’ny tanàna. Tranga roa no mety hiseho raha tsy vita aorian`io ny fifidianana. Voalohany, voalazan`ny lalàna fa raha tsy tanteraka ny fifidianana eny anivon`ny vondrom-bahoakam-paritra itsinjaram-pahefana dia afaka manendry ny filohan’ny delegasionina manokana (PDS) ny fanjakana hanao ny asan`ny ben`ny tanàna. Tsy fe-potoana lava be no hametrahana azy. Marihana fa tsy afaka hifehy irery izany izy fa misy rafitra miara-miasa aminy ao. Voafetra ihany koa ny fahefany sy ny fe-potoam-piasany. Raha fehezina, ny antom-pisiany dia ny fampandehanan-draharaha. Faharoa, azo halavaina ny fe-potoana hiasan`izy ireo. Tsy ny lalàmpanorenana mantsy no mamaritra azy fa ny lalàna. Araka izany, azon`ny fitondram-panjakana atao ny manalava ny fe-potoam-piasan`ny ben`ny tanàna.

Marigny A.