Politique

Kaominina Antananarivo Renivohitra Manga ny fiaraha-miasa amin�ny region �le de France

Politique
Talata 03 Novambra 2015

Manga ny fiaraha-miasa eo amin�ny kaominina Antananarivo Renivohitra sy ny region �le de France.

Tonga nitsidika ny Ben’ny tanàna vaovao Ravalomanana Lalao sy ny lapan’ny tanàna etsy Analakely omaly Andriamatoa Robert Romero, filohan’ny region île de France no sady filoha lefitra misahana ny raharaha iraisam-pirenena any Eoropa, niaraka tamin’ireo delegasiona dimy mianadahy notarihiny. Niompana tamin’ny fampahafantaran’izy ireo ny fandaharam-potoana mikasika ny fitokanana ireo fotodrafitrasa maro sosona naoriny teto an-drenivohitra ny fihaonan’ny roa tonta ankoatra ny fiarahabany ny Ben’ny tanàna vaovao Lalao Ravalomanana. Nandray azy ireo ny lefitry ny Ben’ny tanàna voalohany Ramiaramanana Patrick sy ny sekretera jeneraly Julien Andriamorasata. Nambaran’ireto farany tamin’ny resaka nifanaovany tamin’ny mpanao gazety fa vonona ny region île de France hanohy ny fiaraha-miasany amin’ny kaominina, fiaraha-miasa efa nisy teo aloha ary ezahina hohatsaraina hatrany.

Pati