KAOMININA ANKADIMANGA

Tsara toerana Razafinanja TIM, babony ny fon’ny vahoaka

Politique
Zoma 06 Desambra 2024

Mbola ny Kandida laharana faha-2 Razafinanja Rabefandroana natolotry ny antoko Tiako I Madagasikara

hatreto no kandida favorie ao anatin’ny Kaominina ambanivohitr’Ankadimanga, distrikan’Atsimondrano. Resy lahatra ny handrotsa-bato ho azy ny ankamaroan’ireo mponina feno 18 taona ao anatin’ity Kaominina ity amin’ny datin’ny 11 Desambra ho avy izao noho ny hamaroan’ireo asa vitany hatramin’izay. Mitovy ny tadin-dokangany sy ny mponina dia ny hanohizana ny asa vita hahafahana mampandroso marina ity Kaominina ity. Tafiditra ao anatin’izany ny asa fanamboarana ireo ampahan-dalana sisa tsy vita, ny fikarakarana ny toho-drano… hahafahan’ny mponina mamokatra. Hangotraka araka izany ny faradoboka hiarahan’ny roa tonta amin’ny Alahady 08 Desambra ho avy izao. Hisy ny mpitsoka mozika hanafana ny lanonana sy ny hetsika maro samihafa ka ny masoandro mody no hampalahelo.
Pati
Legende : Tahaka izao ny hamaroan’ireo vahoaka manaraka ny Kandida Razafinanja mivady ao Ankadimanga !