Politique

Kaominina Ambatolahy Antanifotsy Romotry ny hatezerana ny vahoaka

Politique
Alatsinainy 14 Desambra 2015

Tena romotry ny hatezerana tanteraka ankehitriny ny vahoakan�ny kaominin�Ambatolahy any amin�ny distrikan�Antananifotsy Faritr�i Vakinankaratra noho ny fanoloana ny ben�ny tan�na am-perinasa izay lanin�izy ireo tamin�ny fomba ofisialy tamin�ny fifidianana kaominaly farany natao teo

. Nambaran’ny solombavambahoaka any an-toerana, ny depiote Randriamampianina Ramilison fa tena mamim-bahoaka tokoa io ben’ny tanànan’Antanifotsy io ary tena nahavita be tokoa. Porofon’izany efa in-3 lany tao an-toerana izay hitantana ny kaominina ary vao lany koa farany teo hanohy ny asa natao. Niasa an-kitsipo tokoa ity ben’ny tanàna TIM ity efa ho volana vitsivitsy izao nefa nesorina noho ny didy navoakan’ny fitsarana avo. Ny antony nitorian azy, hoy ny depiote Ndriana, dia hoe ny filohan’ny fokontany irery no nitondra ny voka-pifidianana kaominaly nandresen’ity ben’ny tanàna ity fa tsy nisy niaraka taminy ireo mpikambana tao amin’ny birao fandatsaham-bato noho ny fahamaizinan’ny andro tamin’ny fotoanandro sy nahareraka ireo namany hafa. Hay efa matipaika tamin’ny fitoriana tany amin’ny fitsarana avo ny tetika ary dia izao hoe nahazo rariny tany amin’ity fitsarana ambony nataony ity ny kandidà HVM izay resy an’isa be dia be tokoa tany aminay.

Ntsoavina Evariste