Politique

Kaominin�i Toamasina I Hafahafa ny fandehan�ny raharaha

Politique
Alarobia 09 Novambra 2011

Mampanahy be ihany ny fandehan�ny raharaha eo anivon�ny Kaominina Toamasina I.

Mandeha mantsy ny resaka ankehitriny fa misy mikotrika ny hampiadiana ny mpiasa samy mpiasa, ny mpiasa sy ny mpitandro ny filaminana ary ny olon-tsotra sy ireo mpiasa mitokona. Izany dia mba hahafahana manarona ny vola amina miliara navoaka teo anivon´ny Kaominina nefa tsy mazava ny antony. Ankoatra izay dia voamarin´ny mpitandro ny filaminana araka ny porofo eo am-pelatanan’izy ireo koa fa nampitondraina sy nitondra fitaovana toy ny sabatra sy kibay misy fantsika ary zava-maranitra hafa ireo valo lahy nirahina hanakana ny fidiran´ireo mpiasan’ny Kaominina mitokona tsy hiditra ny faritry ny “voirie” ny alatsinainy teo.

Ankoatra izay, dia fantatra koa izao fa tsy nisy vadintany nampanaovina tatitra sy nanara-maso ny fakana ireo fitaovam-panjakana teo anivon´ny voirie ny sabotsy 05 novambra teo. Vokatry ny zava-misy sy ny ahiahy, dia niala an-daharana ny Emmo-Reg satria tapitra koa ny fe-potoana araka ny lalàna tamin´ny fametrahana ny filaminana nangatahan´ny PDS. Niverina tao amin’ny “voirie” ireo mpiasa mitokona omaly, ary tsy miova ny fitakian´izy ireo dia ny fialan´ny PDS amin’ny toerany.

Rakoutou