Kandidam-panjakana sasany

Ara-bakiteny ny fanaovana taingim-bozona vahoaka

Politique
Talata 21 Mey 2024

Ara-bakiteny ny fanaovana taingim-bozona vahoaka raha ny hita sahady

amin’ny afitsok’ireo heverina fa kandidam-panjakana sasany na ny kandida natolotry ny vondrona politika IRMAR na Isika rehetra miaraka amin’i Andry Rajoelina. Gina aho, hoy ny kandida solombavambahoaka hafa, raha nahita ity kandida IRMAR ao Mananara avaratra. Lanjaina eo am-bozon’ireo mpiaradia aminy na koa hoe ireo vahoaka malagasy natao ho sarihany hifidy azy ao anatin’izao fampielezan-kevitra izao. Fanontaniana mahazatra ny hoe «Azo atao ve?» fa etsy ankilany koa dia tonga amin’ny nambaran’ny kandida ao amin’ny firaisana faha 4 eto Antananarivo renivohitra, Andrianjato Vonison, izy ity hoe mila miainga ao amin’ny antenimieram-pirenena ny pedagojia politika eto amin’ity firenena ity nefa dia izao ary izany no ataon’ireo heverina fa ho solombavambahoakan’i Madagasikara atsy ho atsy. Hatraiza tokoa moa ny fahatakaran’ny vahoaka malagasy ny tena andraikitr’izany hoe solombavambahoaka izany? Mendrika ny hahazo izany toerana maha solombavambahoaka na depiote izany ve ireo kandida manararaotra ny tsy fahatakaran’ilay vahoaka toy izany?
J. Mirija