Kandida Zisy Fanavotana sy ny ekipany

«Vonona hiady ho an’Antanifotsy»

Politique
Alakamisy 11 Aprily 2024

Isan’ny hilatsaka solombavambahoaka ao amin'ny distrikan’Antanifotsy ny kandida mahaleotena, Rakotondrazafy Justin,

fantatry ny maro amin'ny anarana oe Zisikely na Zisy Fanavotana, satria dia tafapetraka teny amin’ny OVEC Antanifotsy ny taratasy filatsahan-kofidiany ny alatsinainy 8 aprily 2024 teo, niaraka tamin'ny lisitra faharoany fantatry ny maro amin'ny anarana oe ramose Etienne, hoy ny fampitam-baovaon’ity kandida ity. Mirafitra kaominina miisa 14 i Antanifotsy, hoy ity kandida ity. Ben’ny tanàna miisa 11 amin’ireo kaominina ireo no nisafidy ny tenako ho arotsaka ato Antanifotsy. Latsaka an-katerena ny distrikan’Antanifotsy raha tsy hiresaka fotsiny afa-tsy ny lalana izay lalan-dràn’ny kaominina. Na dia tsy mpanao lalana aza ny solombavambahoaka dia mba afaka mitatitra ny mararin’ny vahoaka eo anivon’ny fahefana mpanatanteraka sy manao lalàna mifandraika amin’izay mangirifiry amin’ny vahoaka izay. Vonona hiady ho an’Antanifotsy izaho sy ny ekipako, hoy hatrany ity kandida nanamafy fa mahaleotena ity.
J. Mirija