Kandida ny Kolonely Emilien Ramboasalama

«Mahantra dia mahantra ny vahoaka»

Politique
Alarobia 27 Martsa 2024

Taorian’ny fanontanianay ny hevitry ny ety ifotony ety amin’ny boriboritany faha 4,

hoy ny Kolonely Emilien Ramboasalama, dia mangataka ny firotsahako ho kandida solombavambahoaka izay atao ny 29 may izao ireo mponina. Rehefa noeritreretina sy nosainina lalina izany dia namaly ny antso aho ary hirotsaka ho kandida amin’ny anaran’ny tenako manokana na «indépendant». Akaikin’ny vahoaka aho ary avy amin’ny vahoaka. Avy amin’ny faritra iva avokoa ny 75%n’ny mponina ety. Manjaka ety ny tsy fandriampahalemana. Dibo-drano ny ety noho ny fanotorana tany tsy ara-dalàna. Mahantra dia mahantra ny vahoaka ka izay rehetra izay no ezahana arenina. Efa nisy ny ezaka natao. Tsy vita iray andro ny asa fampandrosoana. 32 no isan’ny fokontany eto amin’ny boriboritany faha 4. Nanaovana asa fanampiana sy fampandrosoana daholo ireo. Asa fampandrosoana niadiana tamin’ny tsy fandriampahalemana, tsy fananan’asa, fahasahiranana maro. Ezahana ny hanatsarana hatrany ny fiainam-bahoaka ety amin’ny boriboritany faha 4, hoy hatrany ny tenany.

J. Mirija