KANDIDA BONI ALAKAMISY FENOARIVO

Partagé sur :
• facebook

Nanafatra ireo mponina feno 18 taona rehetra ao anatin’ny Kaominina Alakamisy Fenoarivo ny Kandida laharana

faha-2 Rakotobe Andrianaivo Jean Christian na i Boni tohanan’ireo hery velona sy Ray aman-dReny eny Vontovorona sy Alakamisy. Izay olona mahalala ny fahasahiranam-bahoaka sy mahavita raha ny nambarany no tokony hofidiana ho Ben’ny tanana mba hahafahana tena mampandroso marina. Ho azy manokana dia hohampidiriny ao anatin’ny teti-bolan’ny kaominina raha lany soa aman-tsara izy ny sehatry ny fidiovana sy fahadiovana. Efa misy ny rano hoy izy ka hisy ny fanamboarana trano fivoahana ho an’ny daholobe isan-tanana ary tsy handoavam-bola izany. Hotohizana ihany koa ny fanamboarana ny lisea izay natao tamin’ny alalan’ny fitakiana ny hetran-trano hanalana fahasahiranana ny zana-bahoaka. Ho an’ireo tantsaha mpamokatra dia hisy ny fivarotana zezika amin’ny vidiny mirary amin’ny alalan’ilay toerana fanodinana fako vaovao hiarahan’ny Kaominina Fenoarivo sy Alakamisy ary Ampitatafika sy Ambatomirahavavy ka hahazoana zezika 2 taonina isan’andro. Hangotraka ny faradoboka hanakatonany tanteraka ny propagandy araka izany amin’ny Sabotsy 07 Desambra ho avy izao. Hisy ny fiara hitatitra maimaim-poana ny vahoaka mandroso sy miverina. Ny tarika Shayron ….no ho avy hanafana. Hisy ihany koa ny fanaovana choregraphie hoataon’ny Kandida Ben’ny tanana Boni sy ny ekipany ho fanomezana fahafaham-po ny rehetra.
Pati
Legende : Ny Kandida Rakotobe Andrianaivo Jean Christian na i Boni ao Alakamisy Fenoarivo !

Tia Tanindrazana

Samia mijoro ho an'i Gasikara.