Joseph Yoland

«Apetrao eto Madagasikara ny marina!»

Politique
Alakamisy 28 Martsa 2024

Teraka tao Antsiranana renivohitra aho, hoy ny filohan’ny antoko politika Matsilo, Joseph Yoland.

Avereno any Antsiranana, hoy izy, ny ben’ny tanànan’Antsiranana fa tsy lojika ny fisamborana azy. Ben’ny tanàna andeha hivory hanamboarana ny tanànan’Antsiranana no voasambotra. Apetrao eto Madagasikara ny marina! Raha nisy tsy nety nataony dia anjaran’ny tomponandraiki-panjakana voakasika no mitady ny marina fa rehefa tsy izay dia avereno amin’ny toerany ilay ben’ny tanàna fa sahirana ny kaominin’Antsiranana. Ny tsy fifankahazoany amin’ny filoha lefitry ny antenimieram-pirenena sy ny governora no antony hanenjehana azy, raha ny fahitako azy. Any Antanimora izy raha ny heno ka avoahay io ben’ny tanàna io fa te hanamboatra ny tanànan’i Diego. Haka vola amin’ny banky iraisampirenena no niakarany teto Antananarivo dia hanamboatra ny tanànan’Antsiranana amin’io vola io, hoy hatrany ny tenany.
J. Mirija