JIMMY RANDRIANTSOA

Mbola kandida Ben’ny tanana atolotry ny TIM ao Alasora

Politique
Zoma 06 Septambra 2024

Mbola i Jimmy Randriantsoa no kandida Ben’ny tanana atolotry ny antoko Tiako I Madagasikara

ao amin’ny kaominina Alasora Avaradrano amin’ny fifidianana Ben’ny tanana hotontosaina ny 11 Desambra ho avy io. Nahazo tso-drano avy amin’ny Filoha teo aloha Marc Ravalomanana ny tenany noho ireo asa fampandrosoana marobe vitany teo anivon’ity Kaominina iray ao Avaradrano ity. Mbola vonona araka izany i Jimmy Randriantsoa hampandroso an’Alasora hatrany raha araka ny tafa fohy nataony tamin’ny mpanao gazety omaly. Mikasika ny fikarakarana ny antontan-taratasy manokana dia nambarany fa tsy manana olana ny tenany fa mizotra an-tsakany sy an-davany avokoa izany. Ny taratasin-ketra izay nambarany fa omaly Alakamisy 05 Septambra vao nivoaka sisa no andrasana dia milamina avokoa ny zava-drehetra.
Pati
Legende : Jimmy Randriantsoa mbola vonona hampandroso hatrany ny Kaominina Alasora, distrikan’Avaradrano !