Jean Jacques Ratsietison

« Mampiahiahy ny fomba fiasan’ny CENI momba ny lisipifidianana »

Politique
Alarobia 27 Martsa 2024

Nidina ifotony nanaramaso ny lisipifidianana teny amin’ny fokontany Andafiavaratra

ao anatin’ny kaominina Ankadikely Ilafy omaly ny mpikambana ao amin’ny kolekitifa an’ny Malagasy Jean Jacques Ratsietison.Misy tsy mazava ihany ny fomba fiasan’ny CENI, hoy izy satria misy olona noraisin’ny fokontany anarana, natao ao anatin’ilay lisitra kanefa tsy tafiditra ao amin’ny lisi-pifidianana avy any amin’ny CENI . Misy olona nisoratra anarana efa in-droa kanefa tsy tafiditra, voatery niverina nisoratra anarana fanintelona, tsy mbola fantatra indray hoe ahoana ny tohin’ny taorian’ny fikatonan’ny fisoratana anarana teny anivon’ny fokontany omaly 25 martsa 2024
Aoka ho malina ny olom-pirenena, hoy ny mpikambana ao amin’ny kolekitifa an’ny Malagasy Jean Jacques Ratsietison fa misy zavatra maro tsy mazava, tsy tomombana mihitsy ilay fomba fiasan’ny CENI.