Politique

Jean-Jacques Ratsietison Hanazava ny toe-draharaham-pirenena amin’ny malagasy ao Côte d'Ivoire

Politique
Alarobia 05 Jona 2024

Taorian'i Paris dia hitodi-doha aty Côte d'Ivoire indray isika koa manasa anao eto Abidjan izaho,

Jean-Jacques Ratsietison, filoha mpanorina ny FMI Malagasy ary mpikambana ao amin'ny Kôlekitifa an'ny malagasy hanatrika ny «Conférence débat» na adihevitra arahina fiaraha-miala hetaheta na «cocktail», hoy ny filohan’ny antoko politika FMI malagasy na Fahefa-mividy izao no ilain’ny malagasy, Jean Jacques Ratsietison, tany Abidjan, Côte d'Ivoire, omaly. Fotoana azonao hametrahana ny fanontaniana rehetra mahaliana anao momba ny firenena sy ny toekarena io, hoy izy. Ny fotoanantsika dia ao amin'ny CELAF Riviera 3 ny sabotsy 8 jona 2024, manomboka amin'ny 2 ora sy sasany hariva. Tongava maro, tsy voafetra ny toerana, hoy hatrany ny fanentanan’ity mpanao politika sady mpahaitoekarena ity nanasa ireo malagasy monina ao Côte d'Ivoire. Hanazava ny fahitany ny fipetraky ny toe-draharaham-pirenena amin’ireo malagasy monina any araka izany ny tenany.
J. Mirija