Politique

Ihorombe Namondrona ny heriny ny Zanak�i Dada

Politique
Zoma 14 Oktobra 2011

Mihetsika ary manomboka mifanentana ireo Zanak�i Dada any amin�ny Faritra Ihorombe, ahitana ireo mpikambana avy any amin�ny Distrikan�i Iakora, Ivohibe ary Ihosy.

Nifamory tao Ihosy izy ireo ny alarobia hariva teo. Nitarika ny fihaonana ny senatera Telolahy Berthin sy ny ny filohan’ny filankevi-paritra Andriampilamanana Rostand ary nahitana olom-boafidy toy ny Ben’ny tanàna, olon-tsotra ary mpanao politika avy amin’ireo antoko mandrafitra ny ankolafy Ravalomanana.

Fampitam-baovao sy famondronana ny hery ary indrindra ny fanomanana ny fitsenana ny fiverenan’ny filoha Marc Ravalomanana an-tanindrazana no votoatin-dresaka. Niditra an-tariby nivantana nandritra io fihaonana io ny filoha Ravalomanana, nanazava ny fipetraky ny toe-draharaha eto sy ny dian’ireo vondrona politika tany Afrika Atsimo ny herinandro lasa teo. Sambany no nandrenesan’ny tany an-toerana indray ny filoha Ravalomanana ka dia velom-bolo ny rehetra ary nampanantena fanohanana azy hatrany.

Nangonin’i Jean D.