Honty Razafitrimo

Kandida ho depioten’Ankazobe

Politique
Alatsinainy 08 Aprily 2024

Anisan’ireo kandida hofidiana ho solombavambahoaka Atoa Razafitrimo Toavintsilavo Honty na i Honty

no hahalalan’ny besinimaro azo, mpikambana amin’ny Tarika Ambondrona. Izy no kandida natolotry ny Vovonana Kelekitifa an’ny Malagasy ahitana ny Antoko FTT, MMM, ARB, MTS, FMI Malagasy any amin’ny Distrikan’Ankazobe, ka hitondra ny teny filamatra « Fihavanana ho an’ny fanovana ». Tafapetraka omaly teny anivon’ny OVEC (Organe de Vérification et d’Enregistrement des Candidatures) ny taratasy firotsahan-kofidiany, ary efa nahazo ny taratasy fanamarinana ny firakitena an’izany ny tenany. Ny zava-kanto no tena nahafantaran’ny olona an’i Honty, saingy tsy vaovao amin’ny politika ihany koa izy. Isan’ny mpandray anjara feno tamin’ireny hetsika notarihin’ny Collectif des candidats ireny ihany koa izy sy ireo namany, izay naneho ny maha olom-pirenena mandray andraikitra sy mikatsaka ny soa iombonana ho an’ny tanindrazana.
Toky R