Hiatrika ny fifidianana Ben’ny tanana

isika ny datin’ny 11 Desambra ho avy izao.

Politique
Alakamisy 12 Septambra 2024

Anisan’ny fifidianana tena manakaiky vahoaka izy io noho izy miantoka ny fampandrosoana

eny ifotony ka ilana fandinihina sy fieritreterana tsara mialohan’ny handatsaham-bato. Ho an’ny Pastera Heritiana Randriarimalala manokana dia tiany sy faniriany raha olona matahotra an’Andriamanitra no hofidian’ireo olom-pirenena rehetra feno 18 taona. Tsy hijerena loko politika izany hoy izy na anaram-piangonana na olona mandeha mivavaka any am-piangonana isaky andro Sabotsy na Alahady fa ny toe-panahiny mihitsy. Tsy mpangoron-karena fa tia sy mandala ny fahamarinana. Tsy mameno ny paosiny fotsiny ihany koa fa mba manaja ny rariny sy ny hitsiny ary mahay mitsinjo vahoaka mba hisian’ny tena fampandrosoana marina. Olona tahaka izany no tena ilain’ny firenentsika amin’izao hoy hatrany Pastera Heritiana, Filoha mpanorina ny trano Fivavahana Vahao ny Oloko.
Pati
Legende : Pastera Heritiana Randriarimalala, sady mpitondra fivavahana no mpanaraka akaiky ny raharaham-pirenena !