Hetsika Fotsy teny Anosy

Naneho am-pilaminana fa tsy ekena fifidianana maloto

Politique
Talata 14 Novambra 2023

Tamin’ny alalan’ny rojom-pifandraisana nanehoana firaisankiana no nanehoan’ny Hetsika Fotsy

hevitra mikasika ny fanoherana ny sary politika miseho ankehitriny dia ny fikatsahana hanao fifidianana amboletra. Nitarika an’izany ry Hary Razafindrazaka isan’ny niaingan’ny Hetsika Fotsy, ny mpanakanto Bodo Razafindrazaka,… Nentina nitondrana hafatra sy hanehoana ny tsy zavatra tsy mety eto amin’ny firenena izao, indrindra fa ny fifidianana, ary notanterahana tao anatin’ny fotoana fandalovan’ny mpanara-mason’ny SADC sy ny sehatra iraisam-pirenena. Nohamafisin’ireo mpitarika sy ireo mpandray anjara fa tena tsy madio ny zotram-pifidianana, mila fanadiovana, mba ho tonga amin’ny fifidianana tena milamina sy madio ary eken’ny rehetra. Maro ny endrika isehoan’izay tsy fahadiovana izay na eo amin’ny rafitra, fikarakarana, fitanilana,… miampy ny herisetra amin’ny endriny maro. Naseho tamim-pilaminana ny tsy fankasitrahana, nentina nanehoana fa tsy azo ekena intsony izao zava-misy iainan’ny firenena ankehitriny, ary tsy mendrika hotohizana mandritra ny 5 taona manaraka, mba tsy hahalatsaka an-davaka ny firenena.
Toky R