Hary Razafindrazaka

«Miteny ianareo mamono afo dia vao mainka ny olona tsy mino anareo intsony»

Politique
Talata 22 Jolay 2025

Mampiomehy sady mampieritreritra ilay filazàna hoe noho izao sy izao

dia tsy natao ny fitiliana «botulisme», hoy ny mpanao politika, mpikatroka Leader Fanilo, Hary Razafindrazaka. Profesora io no miteny, hoy ny fanontaniany? Angaha tany am-boalohany vao niditra hopitaly ireo zaza ireo dia tonga dia fantatra fa potika ny atiny? Tsy dokotera aloha ny tena fa raha olona miisa 50 be izao kosa no tonga any amin’ny hopitaly avy nihinana sakafo dia tsy tokony ho «systématique» na mandeha ho azy ve ny fitiliana ny mety rehetra tokony ho fototry ny fanampoizinana? Asa aloha fa ny tsapa dia maro ny olona mihevitra fa misy zavatra afenina ao na dia midradradra aza ianareo fa tsy misy. Isaky ny miteny ianareo mamono afo dia vao mainka ny olona tsy mino anareo intsony. Hitako voadona mafy ny voninahitry ny Dokotera malagasy izay manana ny maha izy azy noho ny kabarinareo tsy mitombina, hoy hatrany ny tenany.
J. Mirija