Politique

Hajo Andrianainarivelo “Tsy misy ilana antenimieram-pirenena intsony ”

Politique
Zoma 24 Martsa 2023

Hajao ireo olom-boafidy na avy aiza naha voafidy azy, hoy ny filohan’ny antoko politika Malagasy miara-miainga na MMM, Hajo Andrianainarivelo,

nandritry ny fanotronany ny fanambaran’ireo depiote nitsipaka ny fitokisany ny praiminisitra sy ny governemantany tetsy amin’ny Le Hintsy Ambohimanambola omaly. Na teny anivon’ny kaominina io na distrika dia voafidim-bahoaka, hoy izy. Zava-dehibe ny fanambarana nataon’ireo solombavambahoaka nanao fitsipaham-pitokisana ireo satria midika izany fa misy solombavambahoaka mijoro miaro ny hasin’ny andrim-panjakana iray. Tsy araka ilay voalaza matetika hoe tombontsoany foana no arovan’ny solombavambahoaka. Miaro io andrim-panjakana io zareo satria raha mitoetra ireny didim-pitsarana ireny dia tsy misy antony ilana izany antenimieram-pirenena izany intsony izany manomboka izao, hoy hatrany ny tenany.
J. Mirija