Politique

FRANTSA SY NY AMBASADAORONY

Politique
Alatsinainy 09 Novambra 2015

Ny ambasadaorony aza moa tsy hain`ise valiana akory, F`indro ise toa miolakolaka amin`ny teny tsy valiana. Ka ahoana no inoana fa ise dia mpanamory Mbola afaka hibaiko sy hifehy ny familiana ?

Ny ambasadaorony aza moa tsy hain`ise valiana akory,
F`indro ise manodin-dresaka , efa mila ny hitsoaka.
Ka tsy ise ve `lay lazaina fa hoe “voky dia natory” ?
Tsy misaina kely akory ny amin`ny fahoriam-bahoaka !

Ny ambasadaorony aza moa tsy aiza f`eto Gasikara
No indro sahisahy miteny sady toa manangana ady.
Nefa ise toa mody maty sy tsy manana ambara .
Sa dia efa novidiany sy efa lasany ambongady ?

Ny ambasadaorony mazàna , arotsany amin`ny politika ,
Dia alefany hitsapa ny ao am-pon`ny Malagasy.
Saingy indrisy , tsy miteny , moana ny mpitondrantsika !
Efa fandreseny izany , na dia tsisy taratasy !

DADAN`I ZINA (07-11-15)