Politique

Fizarana seza teny Ambohitsorohitra Mpanara-maso fotsiny ny ankolafy Zafy fa tsy nanao sonia

Politique
Alakamisy 06 Oktobra 2011

Vaky koa ny ankolafy Zafy, mandeha irery i Manoro R�gis ka miady ho praiminisitra. Anisan�ny resaka nandeha ireo hatramin�ny nandraisan�ity farany anjara tamin�ny fihaonan�ny vondrona politika teny Ambohitsorohitra.

Nitondra fanazavana momba izany ny tenany omaly niaraka tamin’i Emmanuel Rakotovahiny tetsy amin’ny Villa Elisabeth. Nambaran’i Manoro Régis àry fa nisolotena an’i Emmanuel Rakotovahiny izay nahazo fanasana avy amin’i Andry Rajoelina no antony nankanesany teny Ambohitsorohitra. Tsy nandray anjara tamin’ny adihevitra nizarana seza eny anivon’ireo rafitry ny tetezamita anefa izy, araka ny nambarany ihany, fa mpanara-maso fotsiny ihany.

“Ny fitanana an-tsoratra manamarina ny fahatongavana no nataoko sonia fa tsy tamin’ny antontan-kevitra na taratasy izay nisy ny fanapahan-kevitra notapahan-dry zareo akory”, hoy izy. Dr Emmanuel Rakotovahiny, praiminisitry ny profesora Zafy nandritra ny fitondrany kosa no nilaza fa tsy nalefan’ny filohan’ny ankolafy nanatrika fivoriana niaraka tamin’ny G10 intsony ny iraka afak’omaly rehefa nahatsikaritra zavatra hafahafa. Lasa natao tamin’ny toerana roa samy hafa indray mantsy ny fivoriana. Fanapepoana sy fanandevozana ny Malagasy kosa ny fahitan’i Emmanuel Rakotovahiny ny fikasana hanitatra ka hampitombo isa ny parlemantera ho 470.

Yves