Politique

Fitantanana kaominina Isan’ny olana ny ara-bola

Politique
Alakamisy 23 Martsa 2023

Isan’ny olana sedraina eny anivon’ny kaominina ny olana ara-bola, hoy ny ben’ny tanànan’ny kaominin’Anosizato sady filohan’ireo fikambanan’ny ben’ny tanàna vehivavy, Andriambololona Laurence.

Miankina amin’ny kaominina tsirairay io, hoy izy. Efa nampitomboina 30 tapitrisa Ariary izao ny famatsiana avy amin’ny fanjakana hahafahan’ny kaominina miasa. Isaorana ny fanjakana nanondrotra izany ho avo 2 heny satria 15 tapitrisa Ariary izany teo aloha. Ho an’ny ben’ny tanana vehivavy dia mbola tsy nisy hatreto ny hoe tsy nahaloa karaman’ny mpiasa. Tsy maintsy misy ny indro kely amin’ny fitantanana, na izany aza, satria eto amintsika moa tsy misy hoe sekoly ho an’ny ben’ny tanana. Olana sedraina ao anatin’izao rotsak’orana izao, ohatra, ny fahatapahan-dalana sy fahasimbana fotodrafitrasa isan-karazany izay tsy ampy ny tetibola hanatanterahana izany eo anivon’ny kaominina, hoy hatrany ny tenany. Miisa 94 moa ireo ben’ny tanana vehivavy mikambana anaty fikambanan’ny ben’ny tanàna vehivavy eto Madagasikara, hoy kosa ny fanamarihany.
J. Mirija
Legende: Ny ben’ny tanànan’Anosizato