Politique

Fisorohana sy fitantanana krizy Nisokatra ny atrikasa ho an’ireo vehivavy

Politique
Talata 13 Desambra 2022

Nisokatra omaly tetsy amin’ny Novotel Ivandry ny atrikasa fanamafisana ny fahaizan’ireo vehivavy parlemantera, avy amin’ny fiarahamonim-pirenena,

sehatra tsy miankina mikasika ny fisorohana sy fitantanana krizy. I Afrika mantsy, hoy ny fanazavan’ny solontenan’ny vondrona afrikanina, Hawa Ahmed Youssouf, dia kaontinanta mbola feno krizy. Zava-dehibe, noho izany, hoy izy, ny fandraisan’anjaran’ny vehivavy afrikanina amin’ny fisorohana sy fitantanana izany. Te hanomana ireo vehivavy amin’ny fiatrehana izany izahay, na eo amin’ny resaka fitantanana firenena io na eo amin’ny lafin’ny tontolom-pifidianana, hoy hatrany ny tenany. Tsy voatery anatina vondrona politika fa na misehatra amin’ny lafiny sosialy sy ekonomika dia afaka mandray anjara izy, hoy kosa ny mpanelanelana eo anivon’ity vondrona iraisampirenena ity, Marie Marcelline Rasoloarisoa.

J. Mirija