Fikaonandoham-pirenena

Manangon-kevitra avy

Politique
Alakamisy 30 Jolay 2026

amin'ny vehivavy ny CNFM

Ny vehivavy no mahafirenena ny Firenena iray. Anisan'ny andry sy fototra hiankinan'ny fampandrosoana izy ireny ka tsy tokony hatao ambanin-javatra.Izany indrindra no nanosika ny filan-kevitra nasionalin'ny vehivavy na ny CNFM hanatanteraka ilay atrikasa hiarahana amin'ny Fikambanam-behivavy sy ny fiaraha-monina sivily ary ny tanora eny Ambohimangakely nifarana omaly Alarobia 29 Jolay, rehefa naharitra 2 andro. Tanjona ny hahafahan'ireo vehivavy maneho hevitra mikasika izany ho enti-mampandroso ny Firenena. Tafiditra ao anatin''izany ny maharary ny vehivavy eny anivon'ny fiaraha-monina, ny toerana misy azy ireny....Hisy araka izany ny fehin-kevitra hivoaka izay fantatra fa ho entina mandritra ny fotoana hanatontosana ny fikaonandoham-pirenena mba tsy hisy ho very anjara. Tonga nanokatra ny fotoana tamim-pomba ofisialy moa ny Ministra roa tonta nahitana ny Minisi-panjakana misahana ny Fanavaozana sy ny Ministry ny mponina sy ny fiahiana ara-tsosialy. Nanohana ara-pitaovana sy ara-teknika kosa ny OIF na ny Organisation Internationale de la Francophonie.
Pati
Légende : Rtoa Andriamasy Estelle, Filohan'ny CNFM hotronin'ireo Ministra roavavy !