Politique

Fikambanan’ny ben’ny tanàna ao Bongolava Mangataka ny hialan’ny prefen’i Tsiroanomandidy

Politique
Zoma 06 Janoary 2023

Mahatsiaro ho mijaly ireo Ben’ny tanana any amin’ny Faritra Bongolava manoloana ny hafotsiky ny Prefen’i Tsiroanomandidy.

Raha araka ny fantatra mantsy dia diso manao tsindry hazolena sy fanamparam-pahefana loatra ity prefet ity. Diso maka vola tsy ara-drariny ihany koa hoy ny fanehoan-kevitr’izy ireo, antony namondronan’izy ireo ny heriny ka nivoahany ny tananany nitondrany sora-baventy manoloana ny prefektioran’i Tsiroanomandidy omaly. Nambaran’ireto Ben’ny tanàna ao Bongolava ireto moa fa hitohy tsy hijanona ny hetsika raha toa ka tsy misy ny fandraisana andraikitra hataon’ny Fitondram-panjakana. Nilaza ihany koa izy ireo fa efa maromaro no lasibatra ary afaka milaza mazava tsara izany olana sedrainy izany.
Nangonin’i Pati
Legende : Nandritra ny hetsika nataon’izy ireo omaly