Politique

Fikambanan�ireo gadra politika Mitaky ny hananganana haingana ny CRM

Politique
Alarobia 23 Desambra 2015

Tena nampisamatsamaka sy nampizarazara ny fiarahamonina malagasy mihitsy ireny fampiasan-kery nifanesisesy nangalana fahefana teto amintsika ireny, hoy ry zareo ao amin�ny FEDEP ivondronan�ireo gadra politika niresaka tamin�ny mpanao gazety.

Mba hisian’ny fitoniana marina sy maharitra eto amn’ity nosy ity ary dia mangataka ny FEDEP ny hananganana tsy misy hatak’andro ny CRM na ny Komitin’ny Fampihavanam-pirenena araka ny voalaza ao amin’ny tondrozotra nifanarahana sady efa hifarana amin’ny volana martsa ho avy ny fe-potoam-piasan’ny FFM na ny Filankevitry ny Fampihavanana. Manamafy ny tokony haha mpikambana feno azy ao anatin’io CRM io ihany koa ny FEDEP. Antoky ny fitsaharan’ny eritreritra fanozongozonana ny fitondram-panjakana miseholany lava ankehitriny, hoy izy ireo, ny fametrahana amin’ny toerana an’io CRM.

Ntsoavina Evariste