Fihetsiketsehana tany Ambatofinandrahana

“Tsy ekenay ny fanesorana ny depiotenay, tsy miala amin’i Christine R.”

Politique
Alatsinainy 08 Aprily 2024

Nafampana tao Ambatofindrahana tamin’iny faran’ny herinandro iny.

Nanao hetsika naneho ny tsy fanekena ny fanesorana ny Filohan’ny Antenimierampirenena Christine Razanamahasoa ireo mponina. Voafidim-bahoaka ara-dalàna, fanitsakitsahana ny zonay! Raisinay ho fanosihosena ny zo aman-kasin’ny safidinay, ary fanaovana tsinontsinona ny voalazan’ny lalàmpanorenana. Avereno ny depiotenay, tsy ekenay, tsy ekenay,… hoy ny horakakoraky ny vahoaka. Ankoatra ny horakaroka dia naneho izany tamin’ny alalan’ny sorabaventy ny vahoakan’Ambatofinandrahana, taorian'ny fanesorana tsy ho depiote an-dRazanamahasoa Christine. Santionany tamin'izany ny hoe : "Aza hosena ny zonay Ambatofinandrahana", "Tsy ekenay ny fanesorana ny depiotenay Ambatofinandrahana", "Izahay tsy miala amin-dRamatoa Christine",... Fanontaniana mipetraka ny hoe: mbola ho kandida solombavambahoaka ve ity farany sa tsia eo anatrehan’ny fisian’ireo vahoaka naneho fa tsy miala aminy?
Toky R