Politique

Fifidianana senatera ao Mahajanga Vonona hitondra ny hetahetam-bahoaka i Hajaky Alain Richard

Politique
Talata 08 Desambra 2015

Hisokatra amim-pomba ofisialy anio talata 8 desambra ny fampielezan-kevitra ho an�ny fifidianana senatera, hotanterahina ny 28 desambra ho avy io.

Ho an’ny kaominina ambonivohitr’i Mahajanga manokana dia anisan’ny manatevin-daharana amin’izany i Hajaky Alain Richard izay efa kandida Ben’ny tanàna farany teo saingy tsy lany ary voafidy ho lasa mpanolotsain’ny tanàna. Vonona ny tenany haka io toerana senatera io ka hametraka lalàna azo tanterahina. Toraka izany koa ny fampivoarana ny fiainam-bahoaka amin’ny alalan’ireo lalana azo tanterahina saingy tsy nisy fampiharana hatramin’izay. Vonona ihany koa i Hajaky Alain Richard hiady amin’ny kolikoly efa nimatimatesan’ny antoko AREMA hatramin’izay no sady hiantso ny governemanta hanatanteraka ireo lalana tokony hampiharina rehefa tonga amin’io toerana io. Nomarihiny manokana moa fa ny antoko AREMA no nanana ny résolution des nations unies tamin’ny taona 1997. Izy irery ihany koa no nanana ilay tetikasa namatsy vola 2 miliara isaky ny kaominina isan-taona izay tsy nivoaka avy tamin’ny kitapom-bolam-panjakana fa vola avy amin’ny filoha Ratsiraka Didier. Fanirian’ity kandida senatera ity moa ny ho lasa filohan’ny Antenimierandoholona mihitsy.

Pati