Politique

Fifidianana Loholona Mifanipakana anatiny ny samy HVM

Politique
Alatsinainy 16 Novambra 2015

Tsy manaiky ny fanendrena izay ho Loholona hisolotena an'i Moramanga sy Anosibe An'Ala ireo fikambanan'ny Ben'ny tan�na ao anatin'ireo Distrika roa ireo, araka ny fanambarana nataon�izy ireo omaly

. Fantatra anefa fa efa mivory any Toamasina ilay voalaza fa misolotena an'ireo Distrika roa ireo. Velon-taraina, araka izany, ireo mpikambana HVM ao Mangoro ary nanamafy fa tsy hanohitra fitondrana izy ireo fa mangataka ny hanajana ny hetahetan'izy ireo satria anisan'ny Distrika tsara indrindra ny voka-pifidianana tamin'ny fametrahana ny filoham-pirenena, indrindra ny fananany Ben'ny tanàna maro an'isa HVM tamin'ny fifidianana farany teo. Nanamafy ihany koa ireo mpikambana fa tsy mahafantatra an'ilay olona hirotsaka hofidiana ao Moramanga sy Anosibe An'Ala izy ireo ary tsy mbola nanana fiaraha-miasa na dia nifanerasera aza. Milaza ireo mpifidy vaventy sy mpikambana HVM any Mangoro fa manana kandida efa vonona sy nosafidian’ny avy aty ifotony ka mangataka ny hanemorana ny daty fara-fametrahana ny taratasy filatsahan-kofidina ho Loholona izy ireo.

Nangonin’i Jean D.