Politique

Fifidianana - CENI Haverina amin’ny laoniny ny anaran’ireo tsy tao anaty lisitra

Politique
Alarobia 21 Aogositra 2019

Efa eo am-pijerena ireo anaran’ny olona tsy voasoratra tao anaty lisi-pifidianana ny eo anivon’ny vaomiera mahaleotena misahana ny fifidianana na ny Ceni.

Nambaran’ny mpampiaka-tenin’ity rafitra ity, Fano Rakotondrazaka fa hamerina amin’ny laoniny ny anaran’ireo olona tsy tao anaty lisitra no ataon’ny Ceni amin’izao fotoana. Izay tsy tafiditra no jerena ary ireo mpifidy nisedra olana tamin’ny fifidianana depiote farany teo, hoy hatrany ny fanazavany. Tsy afaka mampiditra sy manala ny anaran’olona anatin’io lisitra io ny Ceni fa ireo izay tsy tafiditra kosa no ezahina hampidirina ao, hoy izy ary hangataka didy na “ordonnance” any amin’ny fitsarana ambaratonga voalohany izy ireo, vao afaka manao izany.

Sitraka r.