Politique

Partagé sur :
• facebook

Tamin’ny alalan’ny fanadihadiana nataon’ny mpandinika vahiny, Manuel Wally ka namoahana ilay boky mitondra ny lohateny hoe “Etude comparative des pratiques en espace francophone”,

 izany hoe fampitahana ireo fomba politika aty amin’ny tany miteny frantsay no nahafantarana fa nampiaiky izao tontolo izao ny fandaniam-bolan’ny filoha ankehitriny nentina nandaniana azy tamin’ny fifidianana filoham-pirenena teto Madagasikara ny  taona 2013 iny. Izy no lohalaharana  tamin’ny habetsaky ny vola lany isaky ny vato azo, raha ny voalazan’ity fanadihadiana ity, satria dia nandaniany 21,50 dolara izany (dépenses par voix obtenu). 21,16 dolara isaky ny vato azo kosa ny an’ny filoha kenianina, Uhuru Kenyatta, kanefa tafiditra ao anatiny ny azy ny  fifidianana solombavambahoaka sy fifidianana isam-paritra (élections législatives et locales). Ny kandida amerikanina, Hilary Clinton, kosa no fahatelo raha nahalany 19,92 dolara isaky ny vato azo. Ny an’ny filoha amerikanina, Donald Trump aza mbola 12,62 dolara. Raha atotaly kosa ny vola rehetra lanin’ny filoha ankehitriny, Hery Rajaonarimampianina dia mitentina 43.000.000 dolara na 138 miliara ariary mahery, raha toa ka nanodidina ny 2.000.000 ny totalim-bato azony tamina taham-pandraisan’anjarana mpifidy 47%. Avy aiza ny loharanom-bolan’ity kandida Malagasy ity tamin’ny fotoan’androny ? Tsiahivina moa fa kandida notohanan’ny filohan’ny tetezamita Andry Rajoelina izy tamin’izany fotoana.

J. Mirija

Tia Tanindrazana

Samia mijoro ho an'i Gasikara.