Politique

Fidiran�ny mpitarika ho parlemantera Miahiahy ny mpitolona tsotra

Politique
Talata 25 Oktobra 2011

Mahagaga hoy ny andiana mpitolona tsotra tafaresaka fohy mialohan’ny fotoana teny amin’ny kianjan’i Magro Behoririka tamin’ny faran’ny herinandro lasa teo iny, fa misy mpitari-tolona eny an-toerana mahasahy milaza, na dia atao hoe somary resaka kivazivazy ihany aza no nitondrany azy, fa hoe : « na dia ho tafiditra parlemantera aza izy ireo dia mbola hanohy amin’ny fanaovana kabary eny an-kianja ihany ». Mampiahiahy ihany izany teny izany, hoy izy ireo, satria matoa mitohy ny tolona sy fandraisam-pitenena an-kianja dia mbola misy zavatra tsy azo araka ny nitolomana ao izany ka tsy maintsy hijoroana hatramin’ny farany, fa tsy hoe rehefa mahazo ranondranony kely ianao dia hisisika hanara-drenirano koa.

Tsy misy valaka amin’ny an’ireo mpamadika nandeha nialoha ireo ihany izany fihetsika izany, hoy ireto olon-tsotra mpitolona ireto, fa nilokaloka ireo fa ao anatiny ao no afaka hahavita zavatra amin’ny famerenana an’i Dada eto an-tanindrazana nefa tsy hita izay teo fa nivadika hatramin’ny lelany aza rehefa nisotro ny ranon’Ambohitsorohitra izy ireo. Fa ny dindon’ireto tsy mivadi-belirano nanaiky hiditra nanao sonia kosa no nampiova avy hatrany ny fihetsiky ny iraisam-pirenena vetivety teo. Nahateny maherihery niaraka mihitsy moa ireto olon-tsotra ireto hoe : rehefa ho any dia mazotoa miara-misôsy fa avelao ny eto hitaky ny zony fa misy mahavita mitarika foana eo : « vitanay io ary ho amin’ny metimety kokoa aza amin’izay ».

Manohy