Politique

Fiarahamonim-pirenena Mba misy mihaino ihany ve ?

Politique
Alarobia 10 Jolay 2019

Marobe ny fitakiana fahamarinana mikasika ny fifidianana teto Madagasikara efa nalefa teny anivon’ny fitsarana avo momba ny lalàmpanorenana na HCC ary tsy vao izao fa saika isak’izay

misy fifidianana eto amin’ny firenena. Taorian’ny taona 2009 no tena hita ho saika tsy mitsahatra fa miteny foana sy mitanisa ireny tsy fahatomombanana ireny ireo fiarahamonim-pirenena. Nitsangana daholo ity karazana rafi-piarahamonim-pirenena ity ary tsy sasatry ny manao atrikasa sy fikaonan-doha ary mamoaka fehin-kevitra anaty boky be an-jatony pejy avy eo saingy hatreto aloha, tsy hita izay voka-tsoany tamin’izay fivoaran’ny tontolom-pifidianana eto amin’ny izay, indrindra moa, fa teo amin’ny lafiny fampandrosoana. Rahampitso izao dia hamoaka fehin-kevitra indray ny avy eo anivon’ny sampana fanaraha-maso ny fifidianana na Safidy saingy ny fanontaniana mipetraka ankehitriny kosa dia hoe hitondra inona indray re ? Moa va mba misy mihaino ihany ny fiarahamonim-pirenena eto Madagasikara sa tena miresaka amin’ny hazo sanatria ?

J. Mirija