Politique

Fetison Rakoto Andrianirina “Tsy maintsy mampanova lalam-pifidianana ny filoham-pirenena”

Politique
Alarobia 09 Novambra 2022

Raha miezaka ny hitana ny teny nomeny ny filoham-pirenena, Andry Rajoelina, dia tsy maintsy mampanova ny lalam-pifidianana izy, hoy ny filohan’ny antoko politika Roso ho an’ny demokrasia sosialy na RDS, Fetison Rakoto Andrianirina.

Mba handraisan’ireo mpila ravinahitra na diaspora anjara amin’ny fifidianana manaraka eo no tiana ho resahana, hoy izy. Rehefa hanova ihany dia andeha hatsaraina izay tokony hatsaraina, hilamina. Ny RDS dia tsy mankasitraka ny fanomezana ny asa fanontana ny karapanondro ivelan'ny tranompirintim-pirenena ary mametraka ny ahiahiny amin'ny fomba nanoloana ny mpitantana izany rafitra izany, indrindra, mandritra izao hetsika fanomezana sora-piankohonana sy karapanondro izao. Ho sarotra ny hifehy ny fanatanterahana sy hatoky an'izao fomba fiasa izao, hoy hatrany ny tenany.
J. Mirija