Politique

Fetison Rakoto Andrianirina Nametraka ny ahiahiny

Politique
Alarobia 02 Novambra 2011

Toa tsy nisy �courage� politika tamin�ny fanendrena ny praiminisitra.

Hita be fa sarotra ny nahazoana ny marimaritra iraisana satria anisan’ny paipaika natao ny hanalefahana ny herin’ny mpanohitra, dia ny firaisankinan’ireo ankolafy telo, hoy i Fetison Rakoto Andrianirina manoloana ny fanendrena an’i Omer Beriziky ho praiminisitra. Mbola asa goavana miandry ny fananganana ny governemanta izay mitaky fandanjalanjana ara-politika matotra, izay tsy tokony hifototra amin’ny olom-bitsy fa tokony ho taratra ao tokoa ilay ho etsy momba ny atsy na ny aroa izay hany antoka hahatrarana ny tanjona dia ny fametrahana ny demokrasia. Mitaky ny tena fitiavan-tanindrazana marina izany, hoy ihany i Fetison Rakoto Andrianirina mba hamerenana ity firenena ho amin’ny tokony ho izy. Manoloana izany rehetra izany anefa dia mipetraka ihany ny ahiahy tsy hihavanana, hoy i Fetison. Mbola eo foana mantsy ireo paipaika politika sy adivarotra tsy nahitam-bokatsoa, eo koa ny tsy fahatongavan-tsain’ny sasany izay mihevi-tena ho nailika.

Nangonin’i Soa