Fetim-pirenena

Mbola mangingiana aloha ny fananganan-tsaina

Politique
Alatsinainy 02 Jona 2025

Hanomboka anio Alatsinainy 02 Jona amim-pomba ofisialy ny fananganan-tsaina

ho faharsiarovana ny faha-65 taona niverenan'ny fahaleovantena. Tsy mbola manaitra ny olom-pirenena izy io amin'ny ankapobeny fa ny fitadiavana ny hanin-kohanina isan'andro aloha no tena mafotaka. Na dia efa nanomboka tamin'ny volana May aza no tazana nandehandeha teny. an-tsena ny mpivarotra saina noho izany dia toa lany faladia fotsiny izy ireny. Tsy misy ny mpanontany. Tsy manam-bola rahateo ny ankamaroan'ny olona. Hevitra nivoaka teny anelanelany teny aza ny hoe : tokony zaraim-potsiny ny saim-pirenena ho an'ny isan-tokantrano rehefa fetin'ny 26 Jona tahaka izao raha tian'ny fanjakana hanangana izany ny mponina. Tsiahivina moa fa etsy amin'ny lapan'ny tananan'Analakely no hisantarana izany anio maraina. Hisy ny fandaminana ny fifamoivoizana eny an-toerana noho izany, hetsika hataon'ireo tompon'andraikitra manomboka amin'ny 06 ora maraina.
Pati
Légende : Mbola tena maina ny tsenan'ny sainam-pirenena !