Politique

Fanolorana anarana praiminisitra Nifamahofaho ny hevitra teny Tsimbazaza

Politique
Alarobia 19 Oktobra 2011

Maro ireo vondrona politika tsy tafiditra ao anatin’ireo 10 afaka manolotra anarana hisafidianana izay ho praiminisitra vaovao no nampiaka-peo teny amin’ny Lapam-panjakana teny Tsimbazaza omaly tao anatin’ny fivoriana nataon-dry zareo, taorian’ny fotoam-panokafana ny fivoriana ara-potoana. Nisy fanapahan-kevitra noraisin-dry zareo tamin’izany, indrindra ho an’ireo nanao sonia ilay tondrozotra nefa nolazaina fa ho tohana fotsiny ihany ka nilaza fa mbola hanolotra soso-kevitra ny amin’ny ahafahan’izy ireo manolotra izay mba heveriny fa mendrika ho praiminisitra izany. Ho an’ny UDR-C manokana dia nambaran’ny Sekretera jeneraly lefiny fa diso ny filazana hoe tsy hanolotra olona izy ireo. Nambaran’Atoa Andriantsizehena Benja Urbain fa ny olona avy amin-dry zareo no tsy tokony hatolony fa raha olona avy amin’ny fironana hafa heverina fa afaka mitana izany toerana izany ka hampanjaka ny firaisankina sy fampiraisam-pirenena ankehitriny dia afaka manolotra ry zareo.

Manohy