Fanohanana ireo mpitarika sendika

Nankasitrahan’ny zanak’i Toamasina

Politique
Alatsinainy 27 Novambra 2023

Nisaotra ny fitsarana malagasy ny “Cellule de crise” ao amin’ny Zanaky ny faritanin’ny Toamasina eto Antananarivo

mitaky fanovana ny sabotsy teo tamin’ny fanapahan-kevitra noraisiny na dia tsy nahafa-po azy ireo aza izany. Ny fanapahan-kevitry ny fitsarana izay nanome fahafahana vonjimaika ny filohan’ny Sendikan’ny mpampianatra mpikaroka sy mpikaroka mpampianatra eto Antananarivo na SECES sampana Antananarivo, Pr Sammy Grégoire Ravelonirina, sy ny sekretera jeneralin’ny Randrana sendikaly, Barson Rakotomanga, moa no anton’ny fisaorana nataon’izy ireo. Misaotra ihany koa ny herivelona rehetra, indrindra, fa isika avy amin’ny faritanin’i Toamasina na ny teto Antananarivo sy ny tany Toamasina, izany hoe ny “Adopt-FIZATO”, hoy izy ireo, tamin’ny fanohanana sy firaisam-po Betsimisaraka tsy misara-draha magnano ny firaisankina no hery. Isaorana ny fanohanantsika ireto mahery fontsika ireto, hoy hatrany ny solontenan’ny zanak’i Toamasina, Henry Rakotomalala na Riribe, nankasitraka ny fanohanana ireo mpitarika sendika.
J. Mirija