Politique

Fananganana governemanta Kely ny herizika ho an�i Beriziky

Politique
Talata 08 Novambra 2011

Hanomboka anio ny fandraisan�ny praiminisitra Omer Beriziky ireo kandida minisitra tsirairay naroson�ireo vondrona politika nanao sonia ny sori-dalana, hitsongana ireo izay handrafitra ny governemanta tarihiny.

Nifarana tamin’ny zoma 04 novambra, tsiahivina ihany, ny fandraisana io lisitra kandida io. Ny fantatra hatreto dia ireo vondrona politka efa anaty fitondrana amin’izao fotoana izao ihany no nanolotra kandida. Na ny Monima, na ny Ankolafy Ravalomanana, izay samy mpanohitra izao fitondrana izao, dia samy tsy nisy nandefa lisitra teny Mahazoarivo, na samy mpanao sonia ny sori-dalana aza. Ny ankolafy Ratsiraka moa sady tsy nanao sonia ny sori-dalana ka tsy mahagaga ny tsy nandefasany lisitra minisitra. Ny nanaitra, hatry ny omaly, tsy mbola nandroso ny azy koa ny ankolafy Zafy Albert na dia avy amin’ity ankolafy ity aza no nipoiran’ity praiminisitra Omer Beriziky ity. Ny vondron’ireo mpitady seza ihany izany hatreto no nandefa lisitra hisafidianana izay ho minisitra handrafitra ny governemantan’i Beriziky. Koa asa na governemanta inona no ho teraka ao anatin’izany ? Fa raha governemantan’ny firaisam-pirenena no tanjona dia kely ny herizika ho an’i Beriziky !

Jean D.