FAMPANDROSOANA AN’AMPITATAFIKA

Hanohy ny lalany i Rado Ramparaoelina…

Politique
Talata 24 Septambra 2024

Tongotra mby an-dakana ny an-dRamparaoelina Rado sy ireo mpanolontsaina miisa 10

miaraka aminy amin’ny fampandrosoana ny kaominina Ampitatafika, distrikan’Atsimondrano. Tontosa soa aman-tsara omaly Alatsinainy 23 Septambra ny fanaterana ny antontan-taratasy filatsahan-kofidiana nataon’izy ireo tetsy amin’ny OVEC 67 ha, izay nosoloan-dRasolofonirina Fanomezantsoa Eric, mandataire-ny tena. Nambaran’ity farany tamin’ny mpanao gazety fa tena zava-dehibe ho an’ny Kaominina Ampitatafika ny fisian’izany mba hahafahana manohy ny asa fampandrosoana ho amin’ny tsaratsara kokoa. Olona tia fampandrosoana rahateo ny Kandida Rado Ramparaoelina raha araka ny fanazavany no sady tena akaiky ny vahoaka. Ireo minia mikipy ihany hoy izy no tsy mahita na tsy mahalala ny asa fampandrosoana tanterahiny. Notsiahivin- dRasolofonirina Fanomezantsoa Eric moa fa tena nanano sarotra tokoa ny fikarakarana ny antontan-taratasy notakian’ny fanjakana tamin’ireo mpilatsaka hofidiana indrindra fa ny hetra izay nisy volabe tsy maintsy naloa tokoa. Na izany aza anefa hoy izy dia vita soa aman-tsara ihany izany noho ny Kaominina Ampitatafika mametraka eo am-pelatanan’Andriamanitra ny zava-drehetra.
Pati
Legende : Rasolofonirina Fanomezantsoa Eric, mandataire-n’ny Kandida Rado Ramparaoelina sy ireo ekipa tonga teny amin’ny OVEC omaly !