Fampandehanana fifidianana

« Vonona hiditra an-tsehatra ny mpitandro filaminana »

Politique
Alarobia 15 Novambra 2023

Namoaka fanambarana ny manam-pahefana notarihin’ny Prefen’Antananarivo

Jeneraly Ravelonarivo Christian sy ny avy amin’ny mpitandro filaminana omaly, fa nih²atra nanomboka tamin’ny 12 ora alina lasa teo ny fahanginana ara-pifidianana. Nambara fa tsy azo atao ny manao fihetsiketsehana fa fahanginana tanteraka. Nambara fa voarara ny fihetsiketsehana manerana an’Antananarivo. Efa misy « arrêté » navoakan’ny Prefektiora amin’ny Prefen’ny faritra azy milaza fa tsy azo atao ny mivarotra zava-pisotro misy alikaola, raha ny fanazavana. Nisy ny fampitandremana ny vahoaka mba tsy ho roboka anatin’ny ambara fa korontana, nolazaina fa tapitra ny fihetsiketsehana manodidina ny fifidianana. Ho hentitra ny fitandroana filaminana, ary vonona hiditra an-tsehatra ny mpitandro filaminana eo anatrehan’ny toe-javatra mifanohitra amin’izany, raha ny ambangovangon’io fanambarana io.
Toky R