Politique

Famoahana ny lisitry ny mpifidy lehibe Mandry tsy lavo loha ireo ben�ny tan�na

Politique
Alakamisy 17 Desambra 2015

Ny zoma 18 desambra izao indray vao ho fantatra ny tena lisitra farany havoakan�ny filan-kevi-panjakana mirakitra ny isan�ireo mpifidy lehibe amin�ny fifidianana senatorialy amin�ny 29 desambra ho avy izao

. Io no nambaran’Atoa Rakotonarivo Thierry, filohan’ny Komity mahaleotena mikarakara ny fifidianana. Afak’omaly no tokony ho nivoaka izany lisitra izany raha araka ny vaovao voaray saingy nifanindry tamin’ny famoahan’ny fitsarana misahana ny ady amin’ny fanjakana ny vokatra ofisialin’ny fifidianana famerenana ben’ny tanàna farany teo. Etsy an-danin’izay koa anefa dia mbola andrasana izay mety ho fanapahan-kevitry ny filankevi-panjakana momba ireo taratasy fitarainana momba ireo ben’ny tanàna, eny fa na dia ireo efa am-perinasa aza satria mbola mety hisy hihintsana izy ireny ka hanova ny isan’ny mpifidy lehibe. Ambonin’izay dia nanamafy ihany koa ny Ceni na teo aza ny fanamarihana sy ny fanakianana momba ny biraom-pifidianana fa tsy hisy fiovana izany dia mbola hatao isaky ny kaominina hatrany ny biraom-pandatsaham-bato. Manoloana ireo rehetra ireo dia tsy vitsy ny velon’ahiahy ireo ben’ny tanàna sy ny mpanolotsaina ny amin’ny toeran’izy ireo izay toa mitsingilahila aloha voalohany indrindra ary ny mety ho fihetsiky ny fitondrana manoloana izay mety ho vokatry ny fifidianana eo.

Andry Ratovo