Politique

Famaritana ny tanin’ny oniversite Vonona hanome soson-kevitra ny MAFAMI

Politique
Alatsinainy 02 Janoary 2023

Ny didim-pitsarana avy amin’ny fitsarana ihany no tokony hahafahana mandrava fananan’olona, hoy ny fampahatsiahivan’ny MAFAMI na ny fikambanan’ireo mpianatra eny ambaratonga ambony,

mpiasa, mpandraharaha, maintimolaly avy amin’ny faritanin’Antananarivo miray, manoloana ny raharaha fandravana tamboho teny Ankatso notontosain’ny CROU-A ka nahatonga ny talen’ity sampana ity naiditra am-ponja vonjimaika. Miantso ny fanarahan-dalana eto amin’ny firenena hatrany ny MAFAMI, hoy izy ireo, ny faran’ny herinandro teo. Tsy miditra amin’ny didim-pitsarana nampiharina tamin’ny talen’ny CROU-A ny MAFAMI. Anjaran’ny fitsarana iny. Manana ny tiany ambara koa anefa ny MAFAMI dia ny hoe tokony hanara-dalàna daholo ny rehetra. Mety misy serasera tsy mandeha mikasika ilay fangatahana famaritana ny tanin’ny oniversite na “délimitation”. Ataovy mazava mba ho fantatry ny rehetra sy tsy hifanitsahan’ny andraikitra sahanin’ny oniversite sy ny CROU-A. Tsy mahalala ny CROU-A hoe ny trano ambony no azy fa lasa niaro ny tany izy. Mila paika sy fitsipika mazava ary mety lalana mihitsy izany. Vonona hanome sosonkevitra amin’izany ny MAFAMI raha ilaina ny fakan-kevitra, hoy hatrany izy ireo.
J. Mirija