Politique

Partagé sur :
• facebook

Nanohina ny fon’ny Malagasy maro eran-tany mihintsy ilay horonan-tsary fanadihadiana manokana momba an’i Madagasikara mitondra ny loha-teny hoe

  « L’enfer  au paradis » novokarin’ny fahita  lavitra Frantsay  M6 ary efa  nandeha tamin’ny Antenne Réunion ihany  koa. Ahitana  ity horonantsary ity  ihany  koa any anatin’ny « You tube ». Araka  izany  lohateniny  izany dia  mitanisa ny hakanton’i Madagasikara izay  ambarany fa tsy  manam-paharoa eto  an-tany  ny hatsarany noho ny zavamaniry sy ny  zavamanan’aina  ary indrindra ny  tontolo iainana ao aminy . Vitsy eto  ambon’ny tany sisa ny toerana ahitana  ny ampahany fotsiny  amin’ny zava-misy eto Madagasikara. Ny mampalahelo sy ny nahamenatra anefa dia mahantra eo  ambonin’izany  harena tsy  manam-paharoa  eto  an-tany izany  ny   90% maherin’ny  Malagasy  miaina eto hoy i Franck M. izay nanao ity fanadihadiana ity. Ny  tsy fandriampahalemana, ny fivarotan-tenan’ny  ankizy sy  ny fampiasana azy ireo alohan’ny  fotoana , ny  faharatsian’ny lalana  ny fahatapahatapahan-jiro  lava. Tsy nisy tsy voatan’isan’ity  mpanao  gazety  Frantsay  ity avokoa hatrany amin’ny kolikoly fanaovana  karapanondro ny varo mora atao amin’ny vahiny amin’ireo tanin’ny  Malagasy. Fa ny tena fanontaniana manitikitika ny saina  dia ny hoe : mba inona no tenin’ireo mpitondra fanjakana malagasy  manoloana ny fampitanjahana ny  firenena  amin’ny endriny rehetra   tahaka ireny. Dia mbola ho be  marenina sy hody tsy hahalala ihany  ve na dia efa tsy ho  afaka ny handainga amin’ny   mpamatsy vola vahiny intsony ? Tratra  nandika kabarina filoham-pirenen'olona   aza moa  tsy nahamenatra  antsika .

Andry Ratovo    

Tia Tanindrazana

Samia mijoro ho an'i Gasikara.