Politique

Eliana Marie Bezaza “ Mila olobe i Madagasikara !”

Politique
Zoma 06 Aprily 2018

Samy nanambara ny fahavalalaninany manoloana ny toe-draharaha politika vokatr’ilay lalàm-pifidianana nolaniana an-keriny teny amin’ny antenimieram-pirenena farany teo avokoa ireo mpitarika antoko politika avy amin’ny hery an-kavia izay manohitra ny fitondrana ankehitriny.

Nanambara omaly ny sekretera nasionalin'ny antoko PSD, Eliana Marie Bezaza fa miangavy ireo olon-kendry eto amin'ny firenena izy ireo, indrindra ireo sehatra tsy manao politika ary tsy manana kandidà hilatsaka toy ny FFKM sy ny fiangonana isan-tsokajiny, ny CENI, ny fiarahamonim-pirenena, ny CFM mba hivondrona hamaha ity olana ity fa mila olobe i Madagasikara. Isika rehetra izay efa nitonona ampahibemaso fa kandidà ho filoham-pirenena dia aoka hivondrona ho an'ny tombontsoa ambonin'ny firenena ary hanara-maso amin'ny ahatongavana amin'ny lalàm- pifidianana tena eken'ny rehetra. Aminay PSD dia ny fifidianana ihany no lalan-tokana ahafahana manangana fanjakana amin'ny alalan'ny teny ierana, hoy hatrany ny tenany.

J. Mirija